रगतको नहरमा छोडेर गयौ..!!
यो अन्जान शहरमा छोडेर गयौ..!!

हजारौँ पटक म मरेर बाँचि छु..
अनौठो प्रहरमा छोडेर गयौ..!!

तिम्रो त्यो हातले शिउदो सजाउने..
..रहरै रहरमा छोडेर गयौ..!!

पियुषको प्याला पिलाई धोकेवाज..
मिलाई जहरमा छोडेर गयौ..!!

यथार्त कहानी तितो त्यो अतित..
गजलको बहरमा छोडेर गयौ..!!

म बाँच्छु कसरी तिमी बिन एक पल्..
मुर्दाको लहरमा छोडेर गयौ..!!

लक्ष्मण 'मिलन' विष्ट

भगवान तैँले मलाई रमिता बनाइस्
चिन्तामा थिएँ तैँले त चिता बनाइस्

टन्न अघाइस तेरो भोक मेटाएपछि
आखिरमा मलाई जुठो सिता बनाइस्

कुरुक्षेत्रमा महाभारत तेर्रै रचना थियो
पाप लुकाउन फेरी गिता बनाइस्

रित्तो वर्तमान अनिश्चित भविष्य मेरो

बिगतका केही पल पनि तीता बनाइस्

जब पैसामा सारा शक्ति दिनुथियो भने
किन बिचरा कवि र कविता बनाइस्

                -  सुरज मुस्कान

            बुटवल १३, रुपन्देही

ताकतको कुरा छोड म बतास रोकिदिन्छु!
महकिने फुलको त्यो म सुवास रोकिदिन्छु!!

ईमान र जमानको हुनेछन पूजा सँधै,
फूल लूट्ने भवराको म साहास रोकिदिन्छु!!

तिमि मेरो एकपटक आएर त हेर साथ,
तिम्रो पिडा बेचयनको म आभाष रोकिदिन्छु!!

नपूज त्यो ढुङ्गालाई देवता भनि तिमि अब,
सोँच मात्र फेर तिमि म सर्बनाश रोकिदिन्छु!!

रुप तिम्रो देखेर नै लजाउने अप्सराले,
डाह गर्दै चिच्याउने म आकाश रोकिदिन्छु!!

दीप् मिलन
रुद्रपुर-२ रुपन्देहि

काम चलाउ मुटु छ, जसोतसो बाँचीन्छ
नीयती चुटी रह्यो, तै पनि हाँसीन्छ

जुनको सपना देख्दीन म, हैसीयत मेरो छैन
टेक्नु पर्ने धर्ती मै हो, केहि छैन भासीन्छ

फूल हो जीन्दगानी, पानी हुरि छल्न पर्छ
नयाँ डाली पलाउछ नै, के भो हाँगा लाछीन्छ

आशै मा त अडेको छ मान्छे का रहरहरु

सबै पुरा नभएनी, सपना हजार साँचीन्छ

कुनै रुख चिनीन्छन, आफ्नै फलको भरमा
अजम्बरि को नै छ र, कुनै दिन त नासिन्छ

-Maankura

काम चलाउ मुटु छ, जसोतसो बाँचीन्छ
नीयती चुटी रह्यो, तै पनि हाँसीन्छ

जुनको सपना देख्दीन म, हैसीयत मेरो छैन
टेक्नु पर्ने धर्ती मै हो, केहि छैन भासीन्छ

फूल हो जीन्दगानी, पानी हुरि छल्न पर्छ
नयाँ डाली पलाउछ नै, के भो हाँगा लाछीन्छ

आशै मा त अडेको छ मान्छे का रहरहरु

सबै पुरा नभएनी, सपना हजार साँचीन्छ

कुनै रुख चिनीन्छन, आफ्नै फलको भरमा
अजम्बरि को नै छ र, कुनै दिन त नासिन्छ

-Maankura

हिजो आज म एकोहोरो, प्यारमा छु
उनलाई भनुं कि नभनुं, दोधारमा छु

कुरा खोल्नु पर्ने,आइ लव यु बोल्नु पर्ने

वार गरूँ कि पार गरूँ म, किनारमा छु

आतुर'छु प्रस्ताव गर्न,मायाजालमा पर्न
प्रेमपत्र लेख्दै मेट्छु यस्तै,केरकारमा छु

जे पर्र्ला आज त,भेटेरै भन्छु मन्को कुरा
उन्को पनि मन्को कुरा सुन्ने,बिचारमा छु

स्वीकारे नि ठिकै छ, नकारेनी ठिकै छ
आज पक्कै भन्छु त्यसैले, हतारमा छु

  - रोहित राना
बुटवल-रुपन्देही

बादल बनीदिउँला म रिमिझिमे झरी बन्नु
फूल बनीदिउँला म तिमी फूलमन्जरी बन्नु

जवानीले सिंगार्दैछ तिम्रो रुप र रङ्ग
स्वर्ग बनीदिउँला म अप्सराकी परी बन्नु

डोलो हात मेहेन्दीले अनि आँखा गाजलुले
रंगरोपन गरीदिउँला म परम् सुन्दरी बन्नु

नहोस् कोही नबौलाउने तिम्रो एकै झलकमा
भिन्सी बानीदिउँला म मोनालिसा सारी बन्नु 

देखेर  यो जोडी ईश्वर छक हुनेछ
मेरो हर सासमा तिम्रै हक हुनेछ

तिम्रो पाउमा ठेश कतै लाग्न दिने छैन
मेरो छाती तिमी हिंड्ने सडक हुनेछ

तिम्रो आँखादेखि  आँशु दूर गर्न सकूँ
त्यही मेरो प्रेमको पहिलो जग हुनेछ

तिमीसंग छुट्टिएर यदि बाँच्नुपर्छ भने

"ए.पी " यो दुनियाँ बाटै अलग हुनेछ

             -"ए .पी " सुमन 

 अलि अलि भन्दाभन्दै नशासंगै गल्दै  छु म
आफैलाई  अफैसंग  लुकाएर  छल्दै  छु  म

कहिले छाती चिथोर्छु, कहिले रुन्छु त्यसै त्यसै
पलपल  मारीदियौ  बेहोशी  भई  ढल्दै  छु  म

हेर्दा  हेर्दै  ओझेल पारेऊ  सपनी यी  आँखाबाट
फेरी तिम्रै  सम्झनामा  हरपल जल्दै  छु म

हेरी मात्र रहेऊ अझै पागल मनको तमासा यो
समयले  निमोठ्दैछ जसो तसो  चल्दै छु म

कहाँ    गई   कसो   गरि   पोखुँ   म    सानु
 मनको बह आखाँको आशु छातीको भक्कानु

जति  हेर्यो  त्यति  मन  फुटेर  आउँछ 
चाहिएन भो तिम्रो चिनो तस्बिर लैजानु 

खुशी त हरेऊ हरेऊ बाँकी आँशु पनि 
झर्दझर्दै रित्तिगयो आँखा भो ओभानु 

धर्ति बाटै आकाशको तारा टिप्न खोज्नु 
सायद गल्ती मेरै हो तिमीलाई चाहानु 

बिना फूलको हाँगा भाँचेको के अर्थ
बिना तिम्रो साथ बाँचेको के अर्थ

अनायासै सजाएका अनगिन्ती सपनाहरु
क्षणभरमै भत्किगए साँचेको के अर्थ

विवशताले छाती छेड्दा घाउ  बन्यो
मलमपट्टी नपाएसी जाँचेको के अर्थ

शुन्यताले भरिपुर्ण निर्जन त्यो बनमा
एक्लै एउटा मयुर चरी नाँचेको के अर्थ